Paralajmërim: Artikulli përmban fotografi me pamje të ndjeshme.

Sipas profilit të tij në rrjetin “Instagram”, Wadi ishte pronar i kompanisë për fotografi me dronë, “Alquds Studio”, në qytetin Khan Younis të Gazës, raporton gazeta “The Times of Israel”.

Në llogarinë e tij në “Instagram”, Wadi kishte publikuar gjashtë video të tipit “para dhe pas” të incizuara me dron. Pjesët “para” mësa dukej ishin gjeneruar me inteligjencë artificiale, thekson gazeta izraelite.

Në llogarinë e kompanisë në rrjetin “Facebook”, me mbi 50 mijë ndjekës, merret vesh se studioja merrej me fotografi dasmash. Një postim me këtë temë ishte publikuar më 6 tetor 2023, vetëm një ditë para se sulmi i udhëhequr nga Hamasi ta nxiste fillimin e luftës në Gaza.

Më 7 prill të këtij viti, kompania kishte njoftuar “me sy të përlotur e zemra të rënduara me dhimbje” se biznesi ishte shkatërruar nga Izraeli.

Sidoqoftë, sipas fotografive të publikuara, dukej se studioja ende arrinte që të bënte fotografi në dasma në maj dhe shtator.

Më 25 maj, kjo kompani kishte publikuar një video të fëmijëve që kërkonin ushqim.

Ushtria izraelite nuk iu përgjigj menjëherë një kërkese për koment.

© Të drejtat e fotografive: Haitham Imad, Agjencia e Lajmeve e Portugalisë – LUSA