Atmosfera e festave të Nëntorit sapo u ndez flakë! Kur askush nuk e priste, dy nga emrat më të dashur të skenës muzikore shqiptare, Meda dhe Luana Vjollca, kanë bashkuar forcat për të sjellë hitin e këtij 28 Nëntori.
Projekti mban titullin domethënës “Kuqezinjte” dhe ka ardhur si një surprizë e këndshme për fansat e të dy artistëve vetëm pak minuta më parë.
Ky kombinim unik, mes energjisë së Medës dhe shkëlqimit të Luanës, duket se është “qershia mbi tortë” për festimet e 112-vjetorit të Pavarësisë.
Kënga është punuar me mjeshtëri nga një ekip profesionistësh. Muzika është realizuar nga dyshja Granit Gashi & Dardd, ndërsa për tekstin është kujdesur Ghulo.
Ana vizuale, e cila i përshtatet madhështisë së festës kuqezi, i është besuar produksionit XL Films.
Kënga tashmë gjendet në YouTube dhe brenda pak minutash ka marrë mijëra klikime, duke dhënë sinjalet e para se do të jetë himni i këtyre ditëve festive kudo ku ka shqiptarë.
