Kryetari i Qeverisë së Republikës së Maqedonisë së Veriut, Hristijan Mickoski, duke iu përgjigjur pyetjes gazetareske, deklaroi se Qeveria do të vazhdojë të subvencionojë faturat e energjisë elektrike për amvisëritë dhe për të gjithë ata që janë në tregun e rregulluar.
Rregullatori vendos për lartësinë e çmimit të energjisë elektrike. EVN Home është furnizuesi që ka prokurimin publik për tërë vitin e ardhshëm vitin 2026, ndërsa EMV, në përputhje me politikat e qeverisë, dorëzoi sasitë totale që kërkohen sipas prokurimit publik. Edhe pse më parë si Qeveri u kritikuam, si në raportin e BE-së ashtu edhe nga një pjesë e opinionit, se një nga hapat që është pjesë e Planit për rritje, e ai është hapi që parashikon liberalizimin e tregut të energjisë elektrike për furnizimin e amvisërive.
Ne theksuam qartë se po, atë hap nuk do ta zbatojmë, sepse nëse e zbatojmë, atëherë çmimi i energjisë elektrike nuk do të jetë 62, 65 euro, por do të jetë mbi 100 euro për amvisëritë. Dhe atëherë çmimi i përgjithshëm për amvisëritë do të shtrenjtohej madje për fantastike 50 përqind. Ne thamë se këtë nuk do ta ndërmarrim, me gjithë rrezikun politik që e kemi si Qeveri dhe se do të vazhdojmë më tej ta subvencionojmë çmimin e energjisë elektrike për amvisëritë dhe të gjithë ata konsumatorë që janë në tregun e rregulluar. Cili do të jetë çmimi përfundimtar, atë e përcakton rregullatori, nëse do të shtrenjtohet 3, 4, 5 për qind, apo do të ulet siç ka qenë rasti periudhën e kaluar etj., këtë e përcakton rregullatori pasi të marrë çmimin me të cilin furnizuesi do t’i furnizojë amvisëritë, më pas shpenzimet që i ka distributori, shpenzimet e operatorit të transmetimit dhe së fundi shpenzimet për organizimin e tregut të energjisë elektrike. Kur të gjitha këto kalkulime të jenë bërë, atëherë rregullatori do ta caktojë
Ndryshe, SHA EMV ka dorëzuar çmim prej 65 euro për megavat-orë, pra 3 euro për megavat-orë më shumë nga sa ishte më parë. Nëse më parë ishte 62, tani është afërsisht 4 për qind më shumë, pra 65 euro për megavat-orë. Por në asnjë mënyrë nuk është mbi 100 euro sa është çmimi i tregut. Diferencën Qeveria vazhdon ta subvencionojë, në mënyrë që të mos ketë shok çmimesh për amvisëritë dhe të gjithë ata që janë në tregun e rregulluar.
