Kryetari i Alternativës dhe njëri nga liderët e koalicionit VLEN, Zeqirija Ibrahimi ka njoftuar se së bashku me Bashkim Murtezin, Sekretarin për Resurse Njerëzore në VLEN dhe Sekretarin Organizativ në Alternativë kanë vizituar kryetarin e ri të Komunës së Dollnenit, Blerim Islami.
“Sot, së bashku me Bashkim Murtezin, Sekretarin për Resurse Njerëzore në VLEN dhe Sekretarin Organizativ në Alternativë, e vizituam mikun tonë, kryetarin e ri të Komunës së Dollnenit, Blerim Islami.
Islamit ia uruam detyrën e re, e përgëzuam për suksesin e arritur, duke e kujtuar që të ketë kujdes ndaj kërkesave të qytetarëve dhe programin që e premtuam në fushatë zgjedhore t’i përmbahet deri në pikën e fundit.
Tashmë Dollneni me Blerim Islamin në krye është në duar të sigurta”, ka shkruar Ibrahimi. /Alfax.mk
Ibrahimi dhe Murtezi vizitojnë kryetarin e ri të Dollnenit, Blerim Islamin
