Lara Gut-Behrami ka pësuar një lëndim të rëndë në gju javë më parë. Sot u konfirmua se lëndimi ka të bëjë me ligamentet dhe do t’i humbasë të gjitha garat e këtij sezoni.
Nusja e ish-futbollistit, Valon Behrami – nuk do të jetë në gjendje të zhvillojë garat për një kohë të gjatë, shkruan Indeksonline.
Ajo pritet t’i nënshtrohet një operacioni, që do ta mbajë atë jashtë sportit të skijimit për më shumë se 6/8 muaj.
Ishte raportuar se Lara Gut-Behrami, do të pensionohet por duket se nuk do të ndodhë ashtu. Ajo thotë se ky lëndim nuk është një “tragjedi” e madhe.
Lojërat Olimpike Dimërore në Itali ishin qëllimi i fundit në karrierën e saj, por lëndimi ia pamundësoi një gjë të tillë.
