Artisti i njohur tetovar, Shpat Kasapi, u nda sot nga jeta.
Shpati vdiq papritmas mëngjesin e sotëm, teksa shkaqet e vdekjes së tij dyshohet të jenë nga një sulm në zemër.
Në profilin zyrtar të tij në Instagram, menaxhmenti i Shpatit deklaroi se së shpejti do të njoftohen të gjithë rreth detajeve të plota mbi procedurat e varrimit.
Për vdekjen e Shpatit reagoi edhe bashkëshortja e tij, Selvija, që me dhimbje të madhe pohoi se Shpati vdiq në krahët e saj, teksa shkoi në botën tjetër pa pasur fatin të dëgjojë të birin ta thërrasë “baba”.
Shpati ndërroi jetë në Itali, ndërkaq Selvija bëri me dije se ata po qëndronin në Itali ku do të takoheshin me një logoped që do të përkujdesej për trajtimin mjekësor të të birit.
