Bastisje, kontrolle dhe kallëzime penale, kundër zyrtarëve të lartë dhe një ish-zëvendësministri…
Në aksion janë përfshirë të paktën 5 zyrtarë dhe menaxherë në Agjencinë e Rezervave të Mallrave, Agro-berza, si dhe në Ministrinë e Bujqësisë, Pylltarisë dhe Administrimit të Ujërave.
Policia, me urdhër të prokurorit, ka realizuar një sërë kontrollesh në shtëpi dhe ambiente të tjera në Shkup, Kumanovë dhe Tetovë, me qëllim mbledhjen e provave për abuzime me rezervat shtetërore të mallrave.
Pesë persona, përfshirë një zëvendësministër, dyshohen se gjatë viteve 2021 dhe 2022 kanë abuzuar me pozicionin dhe autoritetin e tyre zyrtar, duke ndikuar në shlyerjen e 1.500 tonëve grurë komercial dhe 500 tonëve elb, nga rezervat shtetërore të mallrave, ndersa ne këtë mënyre e kanë dëmtuar buxhetin e shtetit në vlerë prej 780 mijë euro.
Aksioni po kryhet nga Departamenti për Parandalimin e Krimit të Organizuar dhe të Rëndë (OSOSK) në Ministrinë e Brendshme, në koordinim me Prokurorinë Publike të Shkupit, dhe përfshin zyrtarë në Agjencinë e Rezervave të Mallrave, Agroberza, dhe Ministrinë e Bujqësisë, Pylltarisë dhe Administrimit të Ujërave.
Deri më tani, 5 persona dyshohen për veprën penale “Keqpërdorim i Pozicionit dhe Autorizimit Zyrtar sipas Nenit 353 të Kodit Penal”, përkatësisht: N.R. dhe T.K., menaxherë në Agjencinë e Rezervave të Mallrave të Shkupit, R.A. – Drejtor i Agjencisë së Rezervave të Mallrave të Shkupit, pastaj M.P. – ekspert në Byronë për Vlerësim në fushën e bujqësisë, si dhe T. D. – ish-zëvendësministër i Bujqësisë, Pylltarisë dhe Administrimit të Ujërave. (Plusinfo)
