Sot nderojmë me respekt e mirënjohje ata që me dije, guxim dhe përkushtim na dhuruan alfabetin e përbashkët, shtyllën e gjuhës dhe identitetit tonë.
Falë tyre, fjala shqipe rron, shkruhet dhe përcillet brez pas brezi, si dritë që nuk shuhet kurrë.
Në këtë ditë të shënuar, Ansambli ynë udhëton drejt Prizrenit për të marrë pjesë në festivalin “Sofra Prizrenase”, aty ku kultura dhe tradita shqiptare marrin jetë.
Këtë herë flasim me gjuhën më të lashtë e më të bukur të popullit tonë — me vallen.
Çdo hap, çdo ritëm, çdo rrotullim do të jetë një rrëfim i shpirtit tonë, një përqafim i traditës dhe një mesazh dashurie për folklorin që na bashkon.
Me krenari të thellë, do të përfaqësojmë vendin tonë vetëm me valle, por me një emocion që flet më shumë se mijëra fjalë.
Gëzuar Ditën e Alfabetit!
Rroftë gjuha shqipe!
Rroftë kultura jonë!
Rroftë vallja shqiptare që mban gjallë shpirtin e kombit!
