Në frymën e Festave të Nëntorit dhe Ditës së Alfabetit, sot në IPSH Spitali psikiatrik në Shkup janë vendosur tabelat e reja me emrat e reparteve në dy gjuhë.
Këtë përmes një postimi në rrjetet sociale e ka bërë të ditur, drejtori i këtij spitali, kuadër i VLEN, Isa Avdullai.
Sipas tij, ky është një hap që ndihmon në përmirësimin e orientimit brenda institucionit dhe ofrimin e shërbimeve më të qarta për të gjithë qytetarët dhe punonjësit.
“Vendosja e tabelave dygjuhëshe është pjesë e angazhimit tonë për transparencë, respekt dhe përfshirje në një ambient profesional dhe bashkëpunues: Qartësi në komunikim; akses më i lehtë për të gjithë; standardizim institucional… Urime Dita e Alfabetit!”, shkruan Avdullai.
Ai postimin në Fejsbuk e mbyllë më fjalët: “Le të vazhdojmë të ndërtojmë ambiente më të qarta, më të hapura dhe më të respektueshme për të gjithë”.
