Edhe pse nga kryetari i Qytetit të Shkupit Orce Gjorgjievski premtoi se transporti publik do të përmirësohej dhe se në terren do të qarkullonin më shumë autobusë, situata në linjat 9 dhe 19 mbetet e pandryshuar. Qytetarët vazhdojnë të presin me minuta të gjata në stacione, ndërsa autobusët ose nuk shfaqen fare, ose vijnë me vonesa të mëdha.
Nga ana tjetër qytetarët thonë se situate është përkeqësuar sidomos në oraret e mëngjesit dhe padites, kur fluksi i udhëtarëve është më i madh.
QYTETAR
‘’Autobusët vijnë për 10 – 15 minuta, varet. Varet prej ku e ka stacionin fillestar. Shumë herë më ka ndodhur që të vonohem duke pritur autobus, kthehesh në shtëpi dhe pastaj të thonë ku ke qenë nuk ke ardh në punë, nuk ka autobusë. Duhet të ketë më shumë autobusë’’.
QYTETARE
“Shumë shpesh më ndodhë të pres, por edhe dalë rrallë. Duhet të ketë më shumë autobusë”.
Pavarësisht ankesave të vazhdueshme të qytetarëve, deri tani nuk ka asnjë njoftim zyrtar për shkakun e këtyre mungesave të linjave të autobusëve.
QYTETAR
“Duhet të presësh shumë autobusë. Autobusët privat vonohen më shumë, ndërsa ato të NQP-së janë të rregullt. Më duket se ka autobusë por duhet të lëshojnë më shumë, të jenë më të rregullt”.
Qytetarët mbesin në pritje të përmisimeve, kurse mungesa e autobusëve vazhdon të rëndojë ritmin e përditshëm të qytetit./SHENJA/
