Delegacione nga Holanda, Finlanda, Turqia dhe Portugalia vizituan Komunën e Çairit për herë të parë, në kuadër të projektit ndërkombëtar i cili synon digjitalizimin dhe modernizimin e arsimit. Kështu ka informuar kryetari i komunës së Çairit, Izet Mexhiti, njëherësh edhe njëri nga liderët e koalicionit qeverisës VLEN.
Sipas Mexhitit gjatë këtij takimi janë diskutuar hapat e radhës të bashkëpunimit, me fokus tek shkëmbimi i përvojave, aplikimi i praktikave të avancuara dhe krijimi i mundësive konkrete për zhvillimin e shkollave në Çair.
Ky projekt sipas kryetarit Mexhiti e vendos komunën e Çairit pranë modeleve evropiane të zhvillimit arsimor, duke hapur rrugën drejt një sistemi më modern, më efikas dhe më cilësor, me përfitime të drejtpërdrejta për nxënësit dhe mësimdhënësit.
