Field Service Management është një hap më tej në transformimin digjital dhe ofron
efikasitet më të madh dhe kontroll më të lartë mbi rrjetin distributiv
Elektrodistribuimi vazhdon me investimet në digjitalizim dhe
automatizim të rrjetit distributiv përmes implementimit të platformës Field Service
Management (FSM), e cila u mundëson elektromontuesve të pranojnë drejtpërdrejtë
urdhrat e punës në formë digjitale.
Deri më tani janë investuar 1 milion euro në implementimin e kësaj platforme, e cila
mundëson menaxhim më të shpejtë dhe më efikas të rrjetit distributiv, si dhe nivel më të
lartë të kontrollit dhe automatizimit operativ. Platforma FSM mundëson integrim me
teknologjitë IoT, që do të mundësojë monitorim në kohë reale, parashikim të ngarkesave
të rrjetit dhe menaxhim të optimizuar të shpërndarjes së energjisë.
Digjitalizimi i planifikuar nuk mbaron këtu. Plani është që deri në fund të vitit 2025 të
investohen edhe gjysmë milioni euro në pajisje bashkëkohore për menaxhim në
distancë të trafostacioneve të mëdha. Kjo do ta forcojë drejtpërdrejt kontrollin dhe
automatizimin e rrjetit distributiv, duke mundësuar reagim të shpejtë dhe minimizim të
ndërprerjeve në furnizim.
Këto investime janë pjesë e strategjisë së Elektrodistribuimit për modernizimin e rrjetit
dhe ndjekjen e trendeve globale në sektorin energjetik.
