Memli Krasniqi e ka konfirmuar raportimin për dorëheqjen e tij nga pozita e kryetarit të PDK-së.
Në një konferencë për media, Krasniqi ka theksuar se është momenti i duhur sot që ai të largohet nga posti i drejtuesit të PDK-së.
Ai tha se PDK-ja beson në zhvillim dhe në ripërtëritje, duke e quajtur një amanet për këtë subjekt politik.
“PDK është më shumë se një parti, është një amanet që luftuan për liri, shtet dhe dinjitet”, ka thënë Krasniqi.
Ish-kryetari i PDK-së theksoi se do të vazhdojë të jetë pjesë e PDK-së.
“Largohem me mirënjohje dhe krenari, me bindjen se me secilin anëtar kemi bërë gjithçka që kemi ditur dhe gjithçka që ka qenë e mundur brenda rrethanave.”
“PDK do të jetë në duar të sigurta drejtuese, e ka thënë Thaçi; kjo nuk është lamtumirë, është vetëm mirupafshim. PDK-ja është shtëpia e krenarisë sime jetësore”, ka thënë Krasniqi. /Klankosova.tv
