Përfaqësuesja e Maqedonisë së Veriut në futboll nesër do të luaj ndeshjen miqësore kundër Letonisë. Seleksionuesi Bllagoja Milevski për këtë sfidë nuk do të ketë në dispozicion Visar Musliun dhe Jani Atanasovin, të cilët janë të lënduar, por pavarësisht kësaj, sipas tij qasja e ekipit do të jetë maksimale për të marrë fitore.
“Është e sigurt që Musliu dhe Atanasov nuk do të luajnë, ndërsa të gjithë të tjerët do të jenë në kombinim pas stërvitjes. Sa i përket Letonisë, nuk ka nevojë të kursehemi, sepse kemi pesë ditë pushim deri te ndeshja e dytë me Uellsin. Sa herë që luan Maqedonia, nuk ka vend për kalkulime, të gjithë që do të jenë në ekip do të japin maksimumin. Ne do të përpiqemi të përfitojmë sa më shumë, si në aspektin taktik ashtu edhe në atë fizik, dhe të provojmë disa variante që dua t’i shoh, veçanërisht në qasjen e lojtarëve. Kjo do të jetë qëllimi kryesor, por gjithashtu edhe rezultati. Dua të shoh në çfarë niveli jemi dhe deri ku kemi arritur”, ka thënë Milevski.
Ndeshja ndërmjet Maqedonisë dhe Letonisë do të zhvillohet të enjten në arenën “Todor Proeski” në Shkup, nga ora 18:00.
