Çairi po hyn në një fazë të re të qeverisjes lokale, ku stabiliteti institucional dhe bashkëpunimi ndërmjet strukturave udhëheqëse po vendosen në qendër të veprimit. Kështu ka shkruar në një facebook status kryetari i Komunës së Çairit, Izet Mexhiti, njëherësh njëri nga liderët e koalicionit qeverisës VLEN, pas takimit të tij me kryetarin e sapozgjedhur të këshillit të komunësKomunal, Muhamet Murtezi.
Sipas Mexhitit, ky takim shënon një moment të rëndësishëm, pasi vetëm një ditë më parë, në mbledhjen konstituive, Murtezi mori drejtimin e organit përfaqësues të Komunës. Fillimi i mandatit të ri të Këshillit Komunal vjen si hap i natyrshëm drejt konsolidimit të institucioneve dhe forcimit të strukturave vendimmarrëse pas procesit zgjedhor.
Gjatë bashkëbisedimit, Mexhiti dhe Murtezi diskutuan procesin e konstituimit të Këshillit, prioritetet e punës për periudhën e ardhshme, si dhe mënyrat për të rritur efikasitetin institucional përmes bashkëpunimit të ngushtë mes ekzekutivit dhe legjislativit lokal.
Mexhiti gjithashtu ka shkruar se qëllimi i përbashkët është i qartë, shërbime më të mira, institucione më funksionale dhe transparencë për qytetarët e Çairit.
Kryetari Mexhiti ka shkruar se Çairi ka nevojë për institucione që punojnë me përgjegjësi, integritet dhe vizion zhvillimor dhe që ky do të jetë drejtimi në ditët dhe muajt në vijim, në shërbim të qytetarëve.
