Fitorja ndaj Andorrës për kuqezinjtë është një detyrim për të realizuar ëndrrën tonë që është sigurimi i vendit të dytë në grup ku ne jemi aktualisht, një pozicion që përkthehet me kalimin në play off-in e Botërorit 2026.
Aktualisht Shqipëria është në vendin e dytë në grup me një pikë më shumë se Serbia e cila paralelisht me ndeshjen tonë në Andorra, do të luaj në Wembley përballë kryesuesëve të grupit të Anglisë. Kjo diferecë kaq e ngushtë dhe detyrimi që kemi vetëm për fitoren atje, padyshim që rrit presionin tek skuadra jonë edhe pse do të luajmë me skuadrën e fundit të grupit e cila në 7 ndeshjet që ka zhvilluar ka humbur gjashtë dhe ka barazuar vetëm një.
Në “letër”, fitorja e Kombëtares është “mision i kryer” për datën 13 nëntor, e përkthyer me koeficientin 1.25. Por mediumi më i madh që parashikon rezultatet e ndeshjeve sportive “Forbet”, nuk jep shumë siguri se kuqezinjtë do ta kenë të lehtë përballë këtij kundërshtari që edhe pse kemi fituar të gjitha përballjet direkte në ndeshjet zyrtare prap nuk ka qenë e thjeshtë. Sipas faqeve që bëjnë parashikimin e ndeshjeve, për përballjen Andorra-Shqipëri parashikimi është një fitore e ngushtë e djemve tanë 0-1.
