Nga MPB njoftojnë se një 38-vjeçar nga Shkupi në orët e para të mëngjesit ka përplasur me veturë një zyrtar të Policisë, përcjell TV21. Sipas MPB-së, polici ishte në detyrë gjatë incidentit.
“Më 09.11.2025 në orën 04:35 në SPB Shkup është raportuar se në kryqëzimin e rrugëve “Leninova” dhe “Stoltenbergova” në Shkup, një automjet “Hyundai” me targa të Shkupit, i drejtuar nga D.D. (38) nga Shkupi, ka përplasur një punonjës policie që po kryente detyrën zyrtare. Gjatë ngjarjes, punonjësi i policisë ka pësuar lëndime trupore, të konstatuara në Spitalin e Përgjithshëm Rajonal “Shën Naumi i Ohrit” në Shkup. Është kryer hetim nga ekipi hetues i SPB-Shkup dhe pas dokumentimit të plotë të rastit do të dorëzohet kallëzim përkatës”, thonë nga MPB.
