Si një nga pikat më atraktive dhe të frekuentuara në Shkodër është Xhamia e Plumbit.
Tashmë pas restaurimit te saj të plotë, turistë vendas e të huaj çdo ditë e më shumë synojnë pikërisht këtë vend për ta vizituar. Historia dhe veçantia e saj e bëjnë shumë të lakmuar duke qenë edhe pranë kalasë së qytetit çka bën që kushdo qe viziton kalanë Rozafa me patjetër viziton edhe Xhaminë e Plumbit.
Helidon Sokoli, drejtor i Drejtorisë Rajonale të Trashëgimisë Kulturore në Shkodër shprehet se tashmë ky objekt kulti është e publikuar në çdo guidë turistike ndaj edhe interesi i vizitorëve ka qenë i pritshëm.
Xhamia e Plumbit u rikthye në funksion në 8 maj të 2025-ës pas 3 vitesh rikonstruksion. Kjo xhami iu nënshtrua një rindërtimi total pas dëmtimeve të mëdha të pësuara ndër vite.
Sot xhamia është një tempull besimi dhe kulture e cila ndër të tjera është renditur si një ndër 50 më të bukurat në botë.
