Në një fjalim të mbajtur në selinë e BDI-së pas raundit të dytë të zgjedhjeve, Ali Ahmeti kritikoi përdorimin e resurseve shtetërore në mënyrë jo të drejtë, manipulimet zgjedhore dhe presionin financiar ndaj votuesve.
Ai e konsideroi këtë sjellje si shkelje të frymës demokratike dhe si një rrezik për besimin e qytetarëve në procesin zgjedhor.
“Për fat të keq, këto zgjedhje u shoqëruan me përdorim të resurseve shtetërore në mënyrë jo të drejtë, manipulime të orkestruara zgjedhore, si dhe me shantazhe dhe presion financiar ndaj votuesve. Këto praktika të pandershme nuk i përkasin një shoqërie demokratike dhe dëmtojnë besimin e qytetarëve në procesin zgjedhor”, theksoi Ahmeti, njofton TS.
Megjithatë, Ahmeti theksoi se BDI fitoi votën e shumicës, duke theksuar se kjo është një mandat moral dhe politik për të vazhduar punën më të bashkuar, më të disiplinuar dhe më të përkushtuar ndaj qytetarëve, duke analizuar dhe përmirësuar strategjitë e partisë për të ardhmen.
