Koalicioni VLEN sot qëndroi në fshatin Cërnilishtë ku u prit me shumë bujari dhe respekt. Mexhiti me këtë rast tha se këtë do tua kthej me qeverisje të drejtë dhe përkushtim të madh.
“Fshati ynë i dashur Cërnilishtë na priti me atë bujari, mikpritje dhe respekt që e ka trashëguar brez pas brezi ndër shekuj. Këtë respekt që na dhatë ju, ne do ta kthejmë me qeverisje të drejtë, me punë të prekshme dhe përkushtim të pakursyer gjatë katër viteve të ardhshme. Do të jemi mbështetja e fortë e Blerim Islamit në krye të Komunës së Dollnenit, sepse ai është zëri i ndryshimit, njeriu që bashkon, punon pa u ndalur dhe i qëndron pranë secilit prej jush me zemër e përgjegjësi. Me mendje e me zemër do ta zhvillojmë Cërnilishten dhe gjithë komunën, dhe Qeveria do të jetë pjesë e këtij zhvillimi”, shkruan Mexhiti në FB.
