SPB Shkup – Njësia për krim ekonomik pasditen e sotme ka sekuestruar dokumentacion shtesë dhe ka privuar nga liria dy persona të dyshuar për mosveprim dhe keqmenaxhim me mbeturinat në Shkup. Sipas informacioneve fillestare, ndaj tyre pritet që gjatë pasdites të paraqitet kallëzim penal në Prokurorinë Publike.
Ndër të arrestuarit është edhe Sabahadin Rustemi, drejtor i Ndërmarrjes Publike “Higjiena Komunale”, i cili në këtë funksion u emërua më 29 janar 2025, si pjesë e koalicionit të kryetares së qytetit Danella Arsovska dhe BDI-së.
Rustemi, që konsiderohet kuadër i afërt me Blerim Bexhetin, më parë ka ushtruar funksionin e drejtorit të NP “Saraj” (2017–2021), ndërsa më vonë ishte zëvendësdrejtor në NP “Parket dhe Gjelbërimi” – Shkup (2023–2024).(Skopjeinfo)
