Kreu i Vetëvendosjes, Albin Kurti është lajmëruar pasi sot nuk i kishte numrat për formimin e qeverisë së re, me ç’rast ka thënë se do të vazhdojnë si qeveri në detyrë “drejt zgjedhjeve të reja parlamentare”, shkruan Reporteri.net.
Ai ndërkaq ka falënderuar 56 deputetët që mbështetën propozimin e tij për kabinetin e ri qeveritar, por që nuk ishin të mjaftueshme, pasi nevojiteshin të paktën 61.
“Falenderoj të gjithë deputetët që mbështetën propozimin për kabinetin e ri qeveritar dhe qytetarët për përkrahjen. Meqë 56 vota ishin PËR, 52 KUNDËR dhe 4 ABSTENIME, nuk mund të fillojë ende mandati ynë i ri. Ndërkohë vazhdojmë si qeveri në detyrë drejt zgjedhjeve të reja parlamentare”, shkroi ai.
Kurti publikoi video nga ekspozeja e tij dhe tekstin e plotë ia bashkëngjiti asaj.
