Në podkastin e fundit sportiv “Pressing” në mediumin maqedonas “Ekipa, ish futbollisti i Maqedonisë, Darko Pançev, së bashku me të ftuarin e tij Goran Popov, mes tjerash kanë prekur edhe temën e moskëndimit të himnit nga të gjithë reprezentuesit, e sidomos nga lojtarët shqiptarë.
Më shpesh i përmendur në të kaluarën, ishte kapiteni Enis Bardhi, i cili në disa ndeshje e ka shpëtuar Maqedoninë në fushë, duke sjellë fitore.
Kapiteni ka qenë gjithmonë individi më i mirë në fushë gjatë dy viteve të fundit, duke dhënë gjithçka me fanellën e Maqedonisë.
“Absolutisht nuk duhet të shqetësohemi se kush e këndon himnin dhe kush jo.
Ky nuk është një faktor i rëndësishëm në sport.
Dëgjo, unë kam qëndruar tridhjetë herë para himnit ish jugosllav, por rrallë e kam kënduar.
Po tani çfarë?
Dikush duhet të më kishte shkruar atëherë, në atë kohë, hej, këtij djali nuk i pëlqen ekipi i tij kombëtar, nuk e këndon himnin.
Çfarë lloj budallallëku është ky? Duhet të shohësh në fushë se kush jep kaq shumë për atë fanellë dhe kush e do fanellën kombëtare…
A jep gjithçka në fushë?
Kjo është e rëndësishme”, thotë “Këpuca e Artë” maqedonase Darko Pançev.
Ish-lojtari i i Maqedonisë dhe një nga emrat më të mëdhenj të futbollit në kohët e fundit, Goran Popov, ka të njëjtin mendim…
