Djaloshi kosovar Ceki, i cili u bë i njohur për udhëtimin e tij të jashtëzakonshëm me biçikletë drejt të dashurës së tij në Indonezi, më në fund ka arritur në destinacion!
Pas 17 shtetesh dhe mbi 23 mijë kilometra të përshkuara për më shumë se 1 vit e 3 muaj, ai ka mbërritur në qytetin Bau Bau, ku ka ndarë emocionet me ndjekësit përmes një videoje dhe një mesazhi të ndjerë në rrjete sociale.
Në postimin e tij, Ceki falënderon Zotin dhe të gjithë ata që e kanë mbështetur gjatë këtij rrugëtimi të vështirë, duke treguar se përballoi stuhira, shkretëtira, mungesë ambasadash e vizash, kafshë të egra dhe situata tepër të rrezikshme — por nuk u dorëzua asnjëherë.
“Kam arritur në Bau Bau, vendin përfundimtar. Falënderimi i kryesor i takon Allahut për gjithçka. Kam kaluar 17 shtete e gati 23,000 km për 1 vit e 3 muaj. Jam krenar me Kosovën, me flamurin dhe me pasaportën time,” – ka shkruar ai ndër të tjera.
Përmes një fotoje të lokacionit të publikuar në rrjete sociale, shihet se ai ndodhet aktualisht në Bau Bau, Indonezi, në juglindje të arkipelagut.
Por ajo çfarë u bëri përshtypje ndjekësve, është fakti që Ceki nuk ndau asnjë detaj rreth partneres së tij, e cila ishte arsye që u nis për në Indonezi.
Me siguri të rejat do i ndajë në vijim!
https://www.instagram.com/explore/locations/483729143/baubau-sulawesi-tenggara-indonesia/?utm_source=ig_embed&ig_rid=b138db61-c8cb-474b-8622-26f0589d40b6&ig_mid=846A16FE-802A-4415-AA7B-61A18CC5DC0C&fbclid=IwY2xjawNnRT1leHRuA2FlbQIxMQABHvDtp7Bc7UtHJk7KSWPnHf_oT-2ESxH3DM3OjOqv14gindryCp2KvqiATLaO_aem_bzEpxmHVUWc9TRPpToAWNg
