Sonte nga ora 18:45, Shkëndija përballë Shelburnit në Ligën e Konferencës

Shkëndija e Tetovës sonte do të luajë ndeshjen e parë si vendase në Ligën e Konferencës, ku përballë vetes do të ketë Shelburnin e Irlandës. Kuqezinjtë e Jeton Beqirit sonte kërkojnë fitoren e parë dhe pikët debutuese në kompeticion europian, pasi në ndeshjen e parë u mundën nga Rajo Valekano në Madrid. Skuadra shqiptare ka kryer të gjitha përgatitjet për këtë duel dhe nuk ka asnjë mungesë, me Jeton Beqirin që do ti ketë në dispozicion të gjithë futbollistët për lojë. Shkëndija pret mbështetje nga publiku vendas për ndeshjen ndaj irlandezëve, teksa mysafirët gjithashtu do të ketë mbi 200 tifozë të tyre të pranishëm në stadium. Ndeshja ndërmjet Shkëndijës dhe Shelburnit do të luhet sonte në arenën “Todor Proeski”, duke nisur nga ora 18:45. Në të njejtë kohë, edhe skuadra shqiptare e Kosovës, Drita do të luajë në Prishtinë kundër ekipit Omania në Ligën e Konferencës.