Përpara mbledhjes së Kryesisë Qendrore të paralajmëruar për sot në ASH-në e Taravarit, nga burime të besueshme për portalin tonë, kuptojmë se kanë nisur debatet e ashpra në këtë strukturë partiake, përcjell FOL.mk
Bëhet e ditur se BD-ja nuk ka qenë e kënaqur nga rezultati i ASH-së së Taravarit në këto zgjedhje lokale e ndërsa pas kësaj brenda kësaj partie kanë filluar akuzat ndaj njëri-tjetrit.
Sipas burimeve tona të përfshira në këto akuza të ashpra ku nuk kanë munguar as sharjet dhe ofendimet janë zyrtarë të lartë të ASH-së së Taravarit të cilët mbajnë poste të rëndësishme në parti, por kanë qenë edhe me poste të rëndësishme në qeveri. Ndryshe, ASH-ja e Taravarit deri më tani nuk ka mundur të fitojë asnjë komunë. Ata e kanë humbur në rrethin e parë komunën e Sarajit dhe të Tearcës, ndërsa në mungesë censusi do të përsëriten zgjedhjet në Gostivar dhe Vrapçisht. Ndërkohë që kjo strukturë partiake nuk ka mundur të ndihmojë BDI-në në asnjë komunë. Nga analiza e rezultateve tashmë bëhet fjalë pët vetëm disa dhjetëra vota që kjo parti ka në disa qytete. Pritet të shihet çfarë do të ndodh sot pas mbledhjes së Kryesisë qëndrore të kësaj partie. FOL.mk/
