Sipas të dhënave fillestare jozyrtare nga Komisioni Shtetëror i Zgjedhjeve (KSHZ), VNRI- DPMNE fitoi numrin më të madh të votave për këshilltarë në zgjedhjet lokale të djeshme.
Sipas rezultateve të publikuara në faqen e internetit të KSHZ-së, janë përpunuar 3.471 nga gjithsej 3.474 qendra votimi, që përfaqësojnë 99.91 përqind të totalit.
VMRO-DPMNE mori mbështetjen e 301.919 votuesve, ndërsa LSDM-ja opozitare fitoi 125.824 vota.
Në vendin e tretë është koalicioni Aleanca Kombëtare për Integrim (AKI), i udhëhequr nga BDI, me mbi 114.246 vota, ndërsa koalicioni VLEN mori rreth 91.242 vota.
Partia politike “Levica” mori mbështetjen e 57.063 votuesve, ndërsa partia ZNAM 38.421. Koalicioni Përvojë për Sukses (GROM, LDP, Integra, PCER) fitoi 13.000 vota.
Sipas të dhënave të KSHZ-së, në zgjedhje votuan gjithsej 883.937 qytetarë, nga të cilët 833.984 fletëvotime ishin të vlefshme dhe 49.957 ishin të pavlefshme. Pjesëmarrja në votime ishte 48.29 përqind.
