Izet Mexhiti, një nga liderët e VLEN në tubimin qendror në Tetovë përçoi dy mesazhe të forta para përkrahaësve dhe banorëve të Tetovës, ku Bilall Kasami kandidon për një mandat të dytë.
“E para, për herë të parë në historinë e demokracisë kemi pasur një fushatë ku njëra palë ka folur për projektet e realizuara të pushtetit lokal dhe ata jemi ne, dhe pala tjetër që ka folur për folklorizma dhe nuk ka ofruar asnjë argument konkret se çfarë kanë bërë me pushtetin lokal që e kanë pasur shumë vite”, tha Mexhiti.
Ai shtoi se opozita e filluan dhe e përfunduan fushatën duke ofenduar dhe u shërbyer me emra të kafshëve, derisa dallimi është i qartë: “ju themi që më 19 tetor të vlerësoni këtë dallim”.
Mesazhi i dytë, u shpreh Mexhiti, ka të bëjë me Tetovën.
“Ne e dihmë se njeriu i parë që seriozisht është marrë me punët e Tetovës në këtë 4 vjeçar është Bilall Kasami. Prandaj tetovarët jo që kanë mundësi, por më shumë e kanë detyrim për veten e tyre dhe familjet e tyre të mbështesin Bilallin dhe se flet puna e tij”, tha ai.
Ndërsa thirrja e tij për ditën e diel është të kemi një ditë feste ku bashkë me familjet tona të dalim të shprehim vullnetin tonë të lirë pa asnjë presion dhe të votojmë për ata të cilëve u besojmë.
Ai ka shuar madje shpresat e opozitës për zgjedhje të parakohshme.
“Dua të them deri më 2028 nuk do të kemi zgjedhje parlamentare, ju do keni kohë të pushoni e ne do kemi kohë të punojmë”, përfundoi Mexhiti.
