Prokuroria e Lartë Publike ka marrë një vendim duke pranuar ankesën e Lidhjes Demokratike Boshnjake (LDB) dhe Këshillit Kombëtar Boshnjak (KKB) në Republikën e Maqedonisë së Veriut, kundër vendimit të Prokurorisë Themelore Publike të Shkupit të datës 19 maj 2025.
LDB dhe KKB, përfaqësuar nga avokatja Edina Zekirović Fazlagić nga Shkupi, më 19 prill 2024 kanë paraqitur një padi penale kundër Ivan Stojiljkoviq, presidenti i Partisë Demokratike të Serbëve në Maqedoninë e Veriut dhe aktualisht Zëvendëskryeministër i Qeverisë së Republikës së Maqedonisë së Veriut dhe Ministër për Marrëdhëniet Ndërmjet Komuniteteve, për mohimin dhe talljen me viktimat e gjenocidit në Srebrenicë, Bosnjë dhe Hercegovinë.
Konkretisht, Stojiljkoviq, në prill 2024, në një postim publik në rrjetin social Facebook, për gjenocidin në Srebrenicë ka shkruar se ishte “një Disneyland nekrofil.”
Për shkak të këtij postimi, LDB dhe KKB paraqitën një padi penale kundër Stojiljkoviq për veprën penale “Miratimi ose justifikimi i gjenocidit, krimeve kundër njerëzimit ose krimeve të luftës” sipas nenit 407-a lidhur me nenin 403 të Kodit Penal.
Pa dhënë arsyetim, Prokuroria Themelore Publike e cilësoi veprën të cilën Stojiljkoviq e kishte kryer, përdorimin e termit “Disneyland nekrofil,” si liri shprehjeje në politikë dhe gjithashtu pa dhënë arsye të mjaftueshme e ka riparashikuar atë si “Përhapje të materialeve raciste dhe ksenofobike përmes sistemeve kompjuterike” sipas nenit 394-g, pika 1 të Kodit Penal. Me këtë riparashikim, Prokuroria e refuzoi padinë penale me arsyetimin se “Veprën e riparashikuar nuk e ndiqet sipas detyrës zyrtare.”
Të pakënaqur nga vendimi i Prokurorisë Themelore, LDB dhe KKB paraqitën ankesë në Prokurorinë e Lartë Publike, e cila, duke trajtuar këtë ankesë nga përfaqësuesja e dëmtuarve, avokatja Edina Zekirović Fazlagić, ka marrë një vendim duke pranuar ankesën dhe hedhur poshtë vendimin për hedhjen e padisë penale, duke urdhëruar Prokurorinë e parë që të vazhdojë procedurën.
Ky moment në procesin e kërkimit të drejtësisë për viktimat e gjenocidit në Srebrenicë, i cili është njohur dhe konfirmuar nga Gjykata Ndërkombëtare e Drejtësisë, dhe i cili në publikun global njihet si krimi më i madh kundër njerëzimit në historinë më të re të Europës, ngjall shpresë tek qytetarët se drejtësia do të realizohet dhe, me përcaktimin e fajësisë së të akuzuarit, do të dërgohet një mesazh që mohimi dhe tallja me gjenocidin në Srebrenicë, si dhe me çdo krim tjetër kundër njerëzimit, përbën një fjalim urrejtjeje dhe nuk do të kalojë pa u ndëshkuar,” thuhet në një komunikatë të LDB-së.
