Kryeministrja italiane Giorgia Meloni bëri një deklaratë me humor në margjinat e një samiti për paqen në Gaza, duke thënë se nëse do të linte duhanin, “mund të vriste dikë”.
Komenti u bë gjatë një bisede informale me presidentin turk Recep Tayyip Erdogan, i cili u zotua se do të përpiqej ta ndihmonte Melonin ta linte duhanin.
Erdogan, i njohur për fushatat e tij kundër duhanit, i tha Melonit: “Dukesh shumë mirë. Por duhet të të bëj të lësh duhanin”.
Presidenti francez Emmanuel Macron, që ndodhej pranë tyre, ndërhyri me një buzëqeshje duke thënë: “Është e pamundur!”, duke nënvizuar vështirësinë e këtij synimi.
Meloni iu përgjigj me shaka: “E di, e di… nuk dua të vras dikë”, duke lënë të kuptohet se heqja dorë nga duhani mund të ndikojë në humorin e saj.
Komente komplimentuese Meloni mori edhe nga presidenti amerikan, Donald Trump.
Ajo është e bukur”.
“Nuk më lejohet ta them sepse zakonisht është fundi i karrierës tënde politike nëse e thua – ajo është një grua e re e bukur”, tha Trump në mes të një fjalimi rreth përpjekjeve të tij për paqe në Lindjen e Mesme.
“Nëse përdor fjalën ‘e bukur’ në Shtetet e Bashkuara për një grua, ky është fundi i karrierës tënde politike, por unë do të provoj shanset e mia.”
Duke u kthyer për t’iu drejtuar 48-vjeçares, Trump tha: “Nuk të shqetëson të të quajnë të bukur, apo jo? Sepse je.”
Nga reagimi, Meloni duket se u vu në siklet.
