Tetova po rilind. Përveç rrugëve e bulevardeve, ujit të pijshëm dhe kanalizimit, po bëjmë edhe projekte madhore të cilat nuk ishin bërë me dekada në Tetovën tonë.
Siç e dini të gjithë, Sportin tetovar e gjetëm në gjendje të mjerueshme. Nuk ishte ndërtuar apo rinovuar asnjë terren sportiv ndër vite. Në një gjendje të tillë e gjetëm edhe Stadiumin e Qytetit, të shkatërruar, i cili më shumë ngjante në një gërmadhë betoni se sa një stadium futbolli. Me investimin e paraparë për ndërtimin e të njejtit nga themeli së shpejti, stadiumi i qytetit do të jetë një shtëpi modern e futbollit evropian. Gjithashtu, do të ndërtohet një qendër e mirëfilltë sportive me dy terrene për futboll të madh (një me bar natyral dhe një bar artificial), me tribuna moderne për tifozët si dhe një terren sportiv multifunskional për të rinjtë.
Pjesë e rendesishme e këtij projekti është edhe ndërtimi i një objekti ndihmës për ekipet e futbollit tetovar, i cili do t’i plotësoj të gjitha standardet e kërkuara nga FFM. Në kuadër të këtij projekti është paraparë edhe ndërtimi i stadiumit për futboll të madh në fshatin Saraqinë.
Sot jam këtu për të parë nga afër rrjedhën e punimeve për ndërtimin e tribunës së re përballë tribunës kryesore. Sipas asaj që shihet në terren, po punohet intensivisht për një stadium sipas standardeve evropiane. Së shpejti, do të fillojnë punimet për ndërtimin e tribunës së dytë, që gjendet pas golit, në anën e majtë të tribunës krysore.
Poashtu në të gjithë shkollat fillore dhe të mesme, të cilat kanë hapësira të mjaftueshme do të ndërtohen terrene të hapura sportive multifunksionale, si dhe gjashtë salla të reja sportive, edhe atë në shkollën fillore “Naim Frashëri”, në shkollën fillore “Rilindja” të fsh. Sellcë, në shkollën fillore “Bratsvo – Migjeni”, në shkollën fillore “Istikball”, në shkollën fillore “Kirili dhe Metodi”, si dhe në shkollën fillore “Skënderbeu” në fsh. Xhepçisht.
Për katër vitet e ardhshme vlera totale e investimit në sferën e sportit do të kalojë shumën e 16 milion euro – pra, më shumë se të gjitha investimet në sport të bëra gjatë tri dekadave të fundit, të marra së bashku.
Të dashur bashkëqytetarë,
Koha e dembelisë, lakmisë, papërgjegjësisë dhe korrupsionit ka kaluar. Tetova e ka kthyer faqen tjetër dhe është e vendosur të vazhdojë përpara. Rruga e zhvillimit për Tetovën është një dhe e vetme: numri 7 në fletat e votimit më 19 tetor.
