Zëdhënësi i shtabit zgjedhor të VLEN për komunën e Çairit, Sabri Aziri në një konferencë për media edhe njëherë ka pasqyruar karrierën e
kandidatit të AKI për komunën e Çairit, Bujar Osmani duke i numëruar gënjeshtrat, e duke e barazuar dekadën e tij me zero.
“Në konferencën e kaluar treguam se Bujar Osmani ka kaluar 3.672 ditë në pushtet, mbi 10 vite në karrige ministrore. Si ministër i Shëndetësisë për Çairin solli vetëm një turp që e ndjek kudo që shkon, rastin famëkeq
“Pacienti”. Sot, para jush, japim pasqyrën e plotë të kësaj karriere.
Për Çairin dhe shqiptarët, kjo dekadë e tij ka qenë vetëm ZERO”, tha Aziri duke shtuar se gjatë gjithë karierës së Osmanit, Çairi mori vetëm një zero të madhe.
“Gjatë periudhës kur ishte zëvendëskryeministër për Çështje Evropiane dhe koordinator i fondeve IPA, për 1.187 ditë ai kishte në dorë qindra
milionë euro të Bashkimit Evropian. Dhe cili ishte rezultati? Vetëm një ZERO E MADHE. Çairi nuk mori asnjë cent, asnjë projekt, asnjë investim.
Në vend të fondeve solli vetëm seminare të kota, raporte pa vlerë dhe konferenca propagandistike”, vlerësoi Aziri, i cili më tej pyet Osmanin se pse gënjeu për takimin me Gruevskin, fondet e BE-së dhe premtimet
boshe që i jep.
Ky është Bujar Osmani:
-Gënjeu kur tha se nuk ishte takuar me Gruevskin, dhe u kap mat.
-Gënjeu kur tha se fondet e BE-së po shkonin te qytetarët, ndërsa
raportet e Komisionit Evropian tregonin të kundërtën.
-Gënjen edhe sot, duke premtuar “Task forcë për Çairin”, kur për tre
vite rresht ai vetë mbante IPA-në në dorë dhe nuk solli asgjë.
Më tej, Aziri tha se Osmani bën gjithçka për karrierë dhe pazare dhe asgjë për Çairin, duke shtuar se me çfarë fytyre del Bujar Osmani të
premtojë projekte për Çairin, kur i pati të gjitha mundësitë dhe zgjodhi
të mos bëjë asgjë?
“Ky është bilanci i tij, ZERO për Çairin, gjithçka për karrierën dhe për pazaret e BDI-së. Një dekadë në pushtet e reduktuar në një model të qartë tradhti ndaj shqiptarëve dhe mashtrim i paturp ndaj Çairit.
Prandaj dilema e qytetarëve të Çairit sot është e thjeshtë. Me çfarë fytyre del Bujar Osmani të premtojë projekte për Çairin, kur i pati të
gjitha mundësitë dhe zgjodhi të mos bëjë asgjë? Çairasit nuk harrojnë. Ata e dinë kush i ka përdorur vetëm për vota dhe kush kujtohet për ta vetëm para zgjedhjeve. Më 19 tetor, Çairi nuk do të zgjedhë vetëm
kryetar komune. Çairi do ta mbyllë kapitullin e mashtrimit që ka emrin Bujar Osmani”, u shpreh për fund Aziri
