Dita Botërore e Mësuesve, MASH nesër fillon fushatën kombëtare „Magjia është në Dije“, që synon të rrisë ndërgjegjësimin e opinionit për rëndësinë thelbësore të dijes dhe rolin e pazëvendësueshëm të mësimdhënësve në shoqëri. Fushata do të hapet me panel-diskutimi, i cili do të mbahet në Shtëpinë e Kulturës „Biljana Beliçanec“ në Shkup, me fillim në ora 10:00, ku do të diskutohet për qasjen institucionale ndaj arsimit, për statusin e mësimdhënësve, sfidat dhe nevojat e tyre, si dhe për mënyrën se si shoqëria e vlerëson përkushtimin dhe ndikimin e tyre.
Ngjarjen do ta hapë ministrja e Arsimit dhe Shkencës, Prof.Dr. Vesna Janevska, ndërsa në diskutim do të marrin pjesë edhe përfaqësuesja e UNICEF-it në Maqedoni, Lesli Miler, dekania e Fakultetit Pedagogjik „Shën Klimenti i Ohrit“ në Shkup, si dhe përfaqësues nga komuniteti akademik dhe ai i mësimdhënësve.
Në kuadër të ngjarjes, Ministria e Arsimit dhe Shkencës dhe Lidhja e Punonjësve Arsimorë të Maqedonisë do të ndajnë edhe mirënjohjet „Punonjësi arsimor i vitit“ për vitin shkollor 2024/2025, si akt i njohjes publike, por edhe si simbol i angazhimit më të gjerë për ndërtimin e shoqërisë që në mënyrë aktive e mbështet dhe e vlerëson rolin e edukatorëve, mësimdhënësve dhe bashkëpunëtorëve profesionalë.
