Princi i Uellsit ka dënuar vrasjen e punonjësve të ndihmave në rajone të tilla si Gaza si një “fyerje mizore” ndaj parimeve humanitare.
Sipas mediave të huaja, duke folur në lançimin e memorialit të parë global për punonjësit humanitarë në Londrën perëndimore, William bëri homazh për ata që kishin vdekur në konflikte “nga Ukraina në Sudan, nga Mianmari në Haiti dhe, në fakt, në të gjithë pjesën më të madhe të Lindjes së Mesme”.
“Shumë shpesh, qindra punonjës të ndihmës humanitare në të gjithë botën vriten gjatë detyrës”, tha ai.
“Vitin e kaluar, numri ishte 385. Këtë vit, tashmë ka arritur në 300. E di që shumë nga familjet e tyre të pikëlluara janë këtu sot, duke përfaqësuar shumë të tjerë”, vijoi më tej Princi.
“Çdo vdekje e vetme është një tragjedi. Një fyerje mizore ndaj parimeve ndërkombëtare humanitare, të cilat duhet të mbeten të shenjta”, përfundoi Princ William.
