Shqiptarët sharjet i kthejnë ose me qytek ose me votë
Nuk ka aspak dyshim dhe hamendje se ky shau shqiptarë. Nuk e ka herë të parë. Më parë i kishte sha shqiptarët e Maqedonisë në përgjithësi duke fol për 700 mijë nëna, mandej hera tjera edhe në veçanti shqiptarët e Tetovës, Strugës dhe Shkupit duke i quajtur me emra nënçmues. Ajo që është karakteristike edhe këtë herë se kësi sharje kolektive shqiptarëve të këtuhit ka ndodhë të ju bëjnë vetëm racistë, shovenistë, albanofobë dhe idiotë tjerë, por krejt këto: të huaj për shqiptarët e Maqedonisë, politikisht dhe kulturalisht. Edhe ky është i tillë. Asnjëherë nuk ishte pjesë e shqiptarëve të këtuhit dhe nuk ngjizi me to. Para se të hamendeni se mos ndoshta ky është një qëndrim i rëndë për njeriun që ka qenë dhe vazhdon të jet lider politik i një grupimi politik shqiptar madje edhe përfaqësues politik i UÇK-së të Maqedonisë në fitoren e 2001 ndaj shtetit të atëhershëm, lexoni argumentet dhe përkujtohuni për këto më poshtë:
1. Ali Ahmeti ishte vetëm përfaqësues i shtabit ku anëtarë tjerë të shumtë të atij shtabit vdiqën, u vranë, u margjinalizuan ose vijuan karierën e tyre politike në organizime tjera politike pas 2001. Kujtojne Unitetin e Gëzim Ostren-t dhe partitë e Xhezair Shaqirit dhe Harun Aliut.
2. Ali Ahmeti nuk qe nënshkrues i Marrëveshjes së Ohrit e as votues i ndryshimeve kushtetuese si pasojë e asaj Marrëveshje Kornizë që e bëri këtë shtet edhe të shqiptarëve. Formalisht dhe në historinë politike të shqiptarëve të Maqedonisë këtë e bënë PPD dhe PDSH, dy grupime krejt tjera shqiptare.
3. Ali Ahmeti ishte dhe mbeti kryetar i një partie tematike për zbatimin e MKO-së dhe ndonëse deklarativisht pretendonte kombëtari dhe shqiptari në programet politike zyrtare gjithnjë i shkruanin dhe merrej me çështje tjera politike si platforma e gjelbërt dhe pjesmarrje në fronte dhe qeveri multietnike.
Prandaj qëndron konstatimi se është i huaj për shqiptarët e Maqedonisë politikisht e edhe kulturalisht. E se nuk i din shqiptarët e këtuhit, nuk ka qenë asnjëherë pjesë e tërësisë së tyre dhe nuk ua din kodin kulturor më shumë mund të kuptohet se është totalisht injorant për historinë, refleksin politik dhe përgjigjen kolektive që do e mer nga shqiptarët e Maqedonisë, menjëherë tash në këto zgjedhje lokale, nëse deri atëherë nuk tërhiqet ose e izolojnë dhe distancohen prej tij bashkëpartiakët e vet dhe sidomos antarët tjerë shqiptarë të koalicionit. Një gjë që vetëm se ka filluar të ndodhë dhe do vazhdoje në vijim. Sepse ky xhahili politik mund ti marre në qafë krejt komunat, kandidatët dhe ortakët e tij politik në ndërkohë duke shitur e blerë aksione nëpër banka serbe. Pasi u pa se nga aty e kishte frustrimin e freskët, sepse vetëm një ditë më parë dolën në dritë krejt transakcionet ekonomike të fituara me kompromise politike.
Pasi gjithkush që është shqiptar edhe politikisht dhe kulturalisht e di se përgjigja shqiptare e agresionit verbal i këtij lloji gjithmonë ka qenë fizik ose politik. Tani shpejt ka zgjedhje dhe nuk ka nevojë për qytek përveç atij politik: me votë!
