Donald Trumpi do ta menaxhojë Gazën i ndihmuar nga Sir Tony Blair si pjesë e planit prej 20 pikave të presidentit amerikan për t’i dhenë fund luftës.
Trumpi do të mbikëqyrë qeverinë tranzicionale të Gazës si shef i një grupi të quajtur Bordi i Paqes, në të cilin do të jetë edhe Tony Blair, ka njoftuar Shtëpia e Bardhë.
“Gaza do të qeveriset nga një qeverie teknokrate, nga komiteti jopolitik palestinez, përgjegjës për organizimin e përditshëm të shërbimeve publike dhe komunave për popullin e Gazës”, thuhej në plan.
“Ky komitet do të përbëhet nga palestinezët e shkolluar dhe ekspertët ndërkombëtar, nën mbikëqyrjen trupës ndërkombëtare të njohur si ‘Bordi i Paqes’, që do të kryesohet nga presidenti Donald Trump dhe anëtarë të tjerët, përfshirë ish-kryeministrin britanik Tony Blair”, thuhej më tej.
Plani është bërë i ditur në ditën kur Trumpi është takuar me Benjamin Netanyahun në Shtëpinë e Bardhë.
Trumpi në konferencë për media ka thënë se marrëveshja e paqes është shumë afër dhe e ka cilësuar si një prej ditëve më të mëdha të civilizimit.
