Zëdhënësja e Shtëpisë së Bardhë, Karoline Leavitt ka thënë se Izraeli dhe Hamasi janë shumë pranë një marrëveshjeje kuadër që mund t’i lërë palët disi të pakënaqura, por që do t’i jepte fund luftës në Gaza dhe do të siguronte një paqe të qëndrueshme në Lindjen e Mesme.
Ajo shtoi se presidenti Trump do të diskutojë planin me 21 pika me kryeministrin izraelit Benjamin Netanyahu në Shtëpinë e Bardhë dhe më pas me Katarin.
“Për të arritur një marrëveshje të arsyeshme për të dyja palët, të dyja duhet të heqin dorë nga diçka dhe mund të largohen nga tryeza disi të pakënaqura,” tha Leavitt.
Ndërkohë “AXIOS” raporton se Trump përpara takimit me Benyamin Netanyahu, do të flasë në telefon me emirin e Katarit, Tamim bin Hamad bin Khalifa Al Thani.
Telefonata do të zhvillohet pasi zyrtarë arabë kanë deklaruar se Shtetet e Bashkuara kanë ndryshuar tekstin e planit për t’i dhënë fund luftës në Gaza, sipas kërkesave të Netanyahut.
