Pak para fillimit të fushatës zgjedhore, skena politike vazhdon të nxehët edhe më shumë. Para disa javëve ndodhen largime të shumta nga BDI duke iu bashkangjitur VLEN dhe përkrahur Daut Memishin, sot nëpërmjet rrjeteve sociale Amir Elezi, ka deklaruar se Besar Limani nga fshati Përshefcë, njëherit edhe anëtar i degës së BDI në Tearcë, ka dhënë dorëheqje të parevokueshme, duke deklaruar se i bashkangjitet VLEN.
“Të nderuar bashkëvendas dhe miq,
Nga sot, jap dorëheqje të parevokueshme nga anëtarësia ime në BDI – në nëndegën e Përshefcës dhe në këshillin e degës së Tearcës – dhe i bashkohem me bindje vizionit të VLEN dhe mikut tim, Dr. Amir Elezi.
I inkurajoj të gjithë shokët dhe bashkëveprimtarët që ende mbeten peng i interesave të ngushta klanore, që të bashkohen në VLEN, si shpresa e re për ndryshim dhe zhvillim në komunën tonë të Tearcës”, ka shkruar Limani duke postuar fotografi edhe me Amir Elezin.
Siç mësohet, ditëve në vijim do të ketë edhe kalime tjera nga BDI në VLEN.
