Të nderuar qytetarë, të nderuar përfaqësues të mediave,
Dje publikuam një nga aferat më të mëdha politiko-financiare në historinë më të re të Maqedonisë së Veriut. Publikuam prova se kompania “AS Senjak”, në pronësi të një familjari të afërt të Ali Ahmetit, aksionet në Stopanska Banka – Manastir ia ka shitur Alta Bankës nga Beogradi, një bankë e lidhur drejtpërdrejt me regjimin e Aleksandar Vuçiqit. Kjo shitje ka ndodhur më 17.09.2025, pra dhjetë ditë më parë. Kjo është dëshmi se familja e Ali Ahmetit po i shet kapital botës serbe.
Të dashur qytetarë, sot po paraqesim një rast të ri, edhe më serioz dhe më të tmerrshëm.
Të njëjtat aksione që familja e Ali Ahmetit ia shiti bankës së regjimit të Vuçiqit, pothuajse një vit më parë, i ka blerë pikërisht nga Sasho Mijallkovi. Blerja e aksioneve të AS “Senjak” nga Sasho Mijallkovi ose nga kompania e lidhur me të, “Best Vej Investment”, është bërë më 24.10.2024. Ja dëshmia e këtij transaksioni.
Pra, kemi një linjë të qartë: Sasho Mijallkovi, ish shefi i DSK-së, njeriu i të gjitha skemave kriminale të regjimit në Maqedoni të Veriut, i shet aksione familjes së Ali Ahmetit, ndërsa familja e tij ndërmjetëson midis Sasho Mijallkovit dhe bankës serbe. Në fund është “Alta Banka”, një bankë e regjimit të Aleksandar Vuçiqit, si blerës i fundit.
Ka qenë indikative ajo fotografia në manastirin e Shën Naumit, por tashmë gjithçka është e qartë. Tash kemi edhe dëshmi financiare të kësaj lidhjeje. Maskat kanë rënë.
Megjithatë, BDI nuk ka përgjigje. Ahmeti hesht. Asnjë zyrtar i BDI-së nuk doli të shpjegojë se si ka ndodhur që familja e Ali Ahmetit të blejë aksione nga Sasho Mijallkovi dhe pse ato aksione ia ka shitur bankës së regjimit të Aleksandar Vuçiqit. BDI-ja fshihet dhe turpërohet, sepse e di se pas retorikës patriotike fshihet një e vërtetë e ashpër – para, kriminalitet, interes personal dhe lidhje me strukturat antishqiptare në rajon.
Sot është e qartë. Familja e Ali Ahmetit, në mënyrë të drejtpërdrejtë, ndërsa BDI tërthorazi është bërë partner i drejtpërdrejtë financiar i Mijallkovit dhe Vuçiqit. Me këtë lidhje, BDI-ja po e sjell botën serbe në Maqedoni të Veriut edhe përmes sistemit bankar. Me këtë lidhje, Ali Ahmeti dhe familja e tij po e vënë shtetin dhe shqiptarët në varësi financiare dhe politike nga Beogradi, ndërsa pse e bëjnë këtë, ata duhet ta shpjegojnë.
Sidoqoftë, shqiptarët dhe të gjithë qytetarët e Maqedonisë së Veriut duhet ta dinë të vërtetën – BDI-ja nuk është më parti që i mbron interesat e shqiptarëve, por është kompani private e Ali Ahmetit për krim, korrupsion dhe pasurim personal e familjar.
Të nderuar, kjo është vetëm një pjesë e mozaikut të lidhjeve midis BDI-së, Mijallkovit dhe Vuçiqit. Publiku do të mësojë gjithçka. Koha e së vërtetës ka filluar.
Ky labirint finaciar kap një shumë totale prej mbi 20.000.000 EURO.
