Festivali Ndërkombëtar Teatror Skupifestival Shkup, nis edicionin e 19të me radhë, nën moton “Në fund, të gjitha maskat bien”.
Nga data 29 shtator deri më 4 tetor, në hapsirat e Teatrit Shqiptar- Shkup. Hapja solemne bëhet të hënën më datë nga ora 20: 00 me teatrin kombëtar të Kosovës nga Prishtina me shfaqjen “Martesa”, nga autori Vitold Gombroviç, regjia Norbert Rakovski si dhe në role: Armend Smajli, Ylber Bardhi, Mensur Safqiu, Sheqerie Buçaj, Shkëlzen Veseli, Era Balaj, Adhurim Demi.
Të martën Skupifestival vazhdon në ora 20 OO , me shfaqjen “Кështjella” të autorit Mesha Selimoviç, regjia Andrea Benalljo, në role Andrea Benalljo, Vincenzo Longareti, Gaia Bonomi, Alina Fofanova, Mirco Tasca, Srdan Erak, Teodora Pajiq, Prodhim i produksionit AteliercuncheoN nga Bergamo e Italisë.
Të mërkurën, më datë 1 tetor Skupifestival ka dy shfaqje ne programin e tij, në ora 19:00 “Gruaja e Makbethit dhe unë 2.0”, autor dhe interpretues Mirel Knez si dhe regji Nik Uper produksion i teatrit Global nga Ljubljana e Sllovenisë. Si dhe nga ora 20:30, po në teatrin shqiptar Shkup do të luhet shfaqja “Tërbim për dy persona ose më shumë” prodhim i teatrit Hera nga Stambolli, autor Euzhen Jonesku, regjia Senem Xhevher, në role: Ozkan Ozen, Best Ozen, Oguz Kaan Kahraman.
Nga e enjtja në 20:00 do të kemi shfaqjen “Don Zhuani” i autorit të njour francez Molieri, në regji të Vasil Vasilev prodhuar nga teatri kombtar i Nishit. Në role: Dejan Lilliç, Dragisha Velkoviç, Maja Vukojeviç Cvetkoviç, Andrija Mitiç, Urosh Millojeviç, Katarina Mitiç Pavlloviç, Natallija Joviç, Danillo Petroviç, Marjan Todoroviç, Milosh Mitroviç.
Të premten në ora 19.00 performanca artistike “ X” . Nga produksioni Yalta Art Room nga Sofje e Bullgarisë. Frymëzuar nga rubairat e Omar Kajamit, regjia Bojan Kraçollov, në interpretim të Vasil Duev – Tuig.
Po të premten nga 20:00 shfaqja “Medea” nga Euripidi prodhim i teatrit kombëtar “Ivan Vazov” nga Sofje. Në regji të regjisorit të njohur anglez Deklan Donellan, si dhe në role: Radina Karxhillova, Velisllav Pavllov, Valentin Ganev, Asen Dankov, Javor Valkanov, Stelian Radev, Viara Tabakova, Radena Valkanova, Joreta Nikollova, Stefania Koleva, Elena Ivanova, Nadja Keranova, Ana Papadopullu si dhe 2 aktor fëmijë.
Në natën e findit të shtunën më datë 4 dhjetor ora 20:00, shfaqja “Gjysmë – jeta e Marie Curie”, nga autorja Lauren Gunderson, si dhe në regji të Armela Demaj, në role Yllka Mujo dhe Armela Demaj. Kjo shfaqje është prodhuar nga teatri Metropol- Tiranë.
FNT Skupifestival ka karakter garues ku ndahet çmimi për shfaqjen më të mirë të Festivalit. Për këtë edicion të 19 të, juria do të jetë në këtë përbërje: Zamira Kita aktore nga Shqipëria , Srebra Gjorgjijevska gazetare e kulturës, si dhe aktori Adrian Aziri, të cilët do të marrin vendimin për shfaqjen më të mirë të Skupifestival 2025.
FNT Skupifestivalin edhe për këtë vit mbështetet nga Ministria e Kulturës dhe Turizmit, të Republikës se Maqedonisë së Veriut, përmes konkursit vjetor për financimin e projekteve me interes nacional, si dhe mbështetësit e përvitshëm tani më, T Mobile, Uji Tepelene, Gazeta Koha, AlsatM, MRT2 etj.
FNT Skupifestival organizohet në Teatri Shqiptar Shkup. Drejtor Muzbajdin Qamili – Muchi, kryetar i këshillit artistik Senko Velinov,drejtor artistik Osman Ahmeti, antarë Kushtrim Bekteshi, Betim Zeqiri, koordinator Xhaner Musiq, realizimi videove Betim Zeqiri dizajnuar nga Eggraa.
www.skupifestival.mk
