Kandidati për kryetar të Komunës së Sarajit nga koalicioni Vlen, Muhamet Elmazi, ka nënshkruar sot Kodeksin për zgjedhje të lira dhe demokratike.
Me këtë akt, Elmazi theksoi se nënshkrimi i kodeksit është zotim i përbashkët që gara politike të zhvillohet mbi parimet e barazisë, transparencës dhe respektimit të vullnetit të qytetarëve.
“Besojmë fuqishëm se qytetarët tanë meritojnë një proces të ndershëm, ku vota e lirë është vendimtare, e jo presioni apo manipulimet. Ky është themeli mbi të cilin mund të ndërtojmë një të ardhme më të drejtë dhe institucione më të forta,” deklaroi Elmazi.
Ai shtoi se demokracia është vlera më e madhe që duhet ta dëshmojnë të gjithë së bashku, duke i garantuar qytetarëve të Sarajit një proces zgjedhor të drejtë dhe dinjitoz.
