Kryetari aktual i Komunës së Butelit dhe kandidati për mandatin e ardhshëm, Darko Kostovski, ka njoftuar nisjen e projektit të shumëpritur për ndërtimin e ujësjellësit për vendbanimet Luboten dhe Lubancë.
“Njerëzit e vlerësojnë punën e ndershme dhe të përgjegjshme. Po realizojmë projekte edhe për gjëra që nuk i kemi premtuar. Në Luboten po rindërtojmë rrugë që nuk janë prekur që nga viti 1998,” deklaroi Kostovski.
Ai shtoi se ndërtimi i ujësjellësit, një projekt i premtuar për dekada me radhë nga qeveritë e mëparshme, tashmë do të bëhet realitet.
“Po punojmë ndershëm dhe sinqerisht për të gjithë qytetarët e komunës sonë,” përfundoi Kostovski.
