Uniforma shkollore nuk është praktikë e zakonshme në arsimin fillor dhe të mesëm në vend. Në shkollat ku zbatohet bëhet me vendim të Këshillit të prindërve dhe shkollës si dhe me mbështetje të komunës. Disa nga prindërit që mbështesin këtë vendim thonë se uniforma i bën të barabartë të gjithë nxënësit pavarësisht statusit të tyre ekonomik. Një pjesë tjetër ankohen për material jo cilësor të uniformës dhe ngjyra të njëjta duke mos dalluar nxënësit se nga cila shkollë vijnë.
“Ta ofron uniformën prej klasës së parë falas pastaj të kushtëzon që tetë vjet me radhë ta blesh uniformën. 25.32 Ankesa më e madhe te prindërit është kualiteti I uniformës. Mbase nuk është me ligj dakordohemi mirëpo materiali I uniformës të jetë më kualitativ që së paku uniforma të përdoret dy vjet me rend. Uniformat momentalisht janë shumë të dobëta, një herë e lan dhe zvogëlohet pastaj nuk i bën dhe patjetër duhet me ndërru uniformën”, tha Sedat Koka, prind.
“Uniforma do të hynte shumë në ndihmë për ti largu komentimet nga ana e nxënësve mes veti pasi edhe këto dallimet klasore aty shuhen menjëherë. Edhe, nxënësit duken më bukur, duke më të rregullt dhe unë jam, kam votuar për edhe do të vazhdoj të votoj për edhe pse vajza e madhe vazhdon ta refuzoj. Por, pasi shumica e Këshillit të prindërve kanë vendosur dhe kanë votuar për mbajtjen e uniformave”, u shpreh Kaltrina Mustafa Rahimi, prinde.
Në shkollën fillore “22 Nëntori” në Hasanbeg tashmë me vite uniformat sigurohen nga Komuna Gazi Babë. Drejtuesit e shkollës vlerësojnë se uniforma jo çdo herë pranohet pozitivisht nga gjithë nxënësit, posaçërisht ato të klasave 7,8 dhe 9.
“Po flas për një moshë më të madhe të themi, klasa e shtatë ose e tetë, 13 ose 14 vjet jo që uniformën e pranojnë ashtu. Ndoshta njërit i pëlqen ngjyra e zezë, tjetrit ngjyra e kuqe e njërit ngjyra e verdhë. 41.36 Vet paraqitja e nxënësve me uniformë I tejkalon ato anët e dobëta. Jo secili ka mundësi të blej një bluzë të shtrenjtë kështu që me uniform të gjithë nxënësit janë të barabartë”, tha Suzana Jakupi Kurbardoviq, drejtore e sh.f “22 Nëntori. /Alsat.mk
