Dy persona, pronarë të një autoservisi në Mitrovicë janë arrestuar nën dyshimin për përfshirje në rastin e vjedhjes së një veture në Gjermani.
Në raportin e policisë, bëhet e ditur se gjatë kontrollit në dy auto-servis janë gjetur dhe konfiskuar pjesë të ndryshme të veturës së vjedhur.
Me vendim të prokurorit, të dyshuarit janë dërguar në mbajtje.
“Njësitet policore pas pranimit të informatës (nga ILEC-u) lidhur me rastin, kanë arrestuar dy të dyshuar meshkuj kosovarë-pronar të një auto-servisi në Mitrovicë, nën dyshimin se janë përfshirë në rastin e vjedhjes së veturës që dyshohet se ishte vjedhur në Gjermani. Gjatë kontrollit në dy auto-servis janë gjetur dhe konfiskuar pjesë të ndryshme të veturës së vjedhur. Me vendim të prokurorit, të dyshuarit janë dërguar në mbajtje”, thuhet në raportin 24 orësh.
