Luis Enrique është trajneri më i mirë i edicionit 2024/2025 në futboll. Spanjolli Enrique e udhëhoqi PSG-në drejt triumfit në Champions.
Atij i ka takuar Trofeu Johan Cruyff në ceremoninë Topi i Artë. Enrique ka fituar në konkurrencë me Antonio Conten, Hansi Flickun, Enzo Marescan dhe Arne Slotin.
Trajneri spanjoll nuk ishte në sallë për të tërhequr çmimin, pasi ishte në Marsejë për ndeshjen e PSG-së ndaj Olimpikut vendas.
Ndërkaq, në kategorinë e femrave trajnerja më e mirë shpallet Wiegman.
Holandezja Sarina Wiegman është trajnerja më e mirë e vitit. Ajo e ka fituar Trofeun Johan Cruyff në ceremoninë Topi i Artë.
Wiegman është selektore e Anglisë dhe po e udhëheq atë me shumë sukses.
Lista e ngushtë përfshinte edhe emra si Renee Slegers (Arsenal), Sonia Bompastor (Chelsea), Arthur Elias (Brazil) dhe Justine Madugu (Nigeri), duke treguar talentin dhe nivelin e lartë të trajnerëve globalë.
Ky vit tregoi qartë se Enrique dhe Wiegman janë dy nga strategët më të respektuar në futbollin modern, secili duke lënë gjurmën e tij në fushat përkatëse.
