Zëvendëskryeministri i Parë, ministër i Mjedisit Jetësor dhe kandidat për kryetar të Komunës së Çairit, Izet Mexhiti, priti në Shkup tenorin kosovar me famë botërore, Ramë Lahaj, në një takim miqësor në Çarshinë e Vjetër.
Pas takimit, Mexhiti njoftoi në rrjetet sociale një mega-projekt kulturor që synon të rikthejë Çairin dhe Shkupin në qendër të hartës kulturore shqiptare.
Në kuadër të këtij projekti, kryeqyteti do të presë Festivalin Kombëtar të Kulturës Shqiptare “Porta e Kulturës”, një manifestim gjithëpërfshirës që do të bashkojë muzikën, teatrin, filmin, letërsinë dhe artin pamor në një skenë të vetme.
Mexhiti prezantoi idenë e festivalit tek tenori i njohur, ku ata ndanë vizione të përbashkëta për zhvillimin e kulturës dhe promovimin e artistëve shqiptarë.
Sipas Mexhitit, “Porta e Kulturës” do të shndërrohet në një traditë të re, duke lidhur gjeneratat përmes artit dhe kreativitetit dhe duke vënë në pah talentet shqiptare në një platformë kombëtare.
