Sot pasdite, në orën 17:24, mbi fshatin Jalloci i Epërm (Komuna Vrapçishtë) u realizua një aksion shpëtimi pas një aksidenti me mjet terreni.
Drejtori i Qendrës për Menaxhim me Kriza, Muhamed Ali, njoftoi se me kërkesën e tij, përmes QOK të QMK-së, u angazhua MPB me helikopter dhe njësi speciale alpinike, pasi terreni ishte i pakalueshëm për automjetet e Ndihmës së Shpejtë.
Personi i lënduar u transportua me sukses dhe do të dërgohet në Qendrën Klinike për trajtim të mëtejshëm.
“Qytetarët janë gjithmonë në rend të parë, dhe çdo resurs shtetëror vihet në shërbim të jetës së tyre”, theksoi Ali.
