Bartësi i listës për këshilltar të VLEN në Komunën e Likovës, Lirim Jashari, ka reaguar përmes një postimi në Facebook lidhur me një skandal që, sipas tij, lidhet me kryetarin aktual të komunës, Erkan Arifi.
Sipas Jasharit, në media është publikuar informacioni se për terrenin sportiv në fshatin Ropalcë është lidhur kontratë dy herë për të njëjtin projekt. Për ta bërë edhe më të qartë këtë situatë, ai iu referua postimit të vetë kryetarit Arifi në faqen e tij zyrtare, ku ky projekt ishte promovuar si i realizuar që më 15 tetor të vitit 2021.
“Madje, për ta bërë edhe më të besueshëm këtë që e thonë mediat, iu referuam vetë postimit të z. Arifi në Facebook”, ka shkruar Jashari, duke ftuar qytetarët të ndjekin videon e publikuar.
