UEFA pritet të votojë të martën për një vendim historik që mund të përjashtojë përfaqësuesen e Izraelit dhe klubet izraelite nga të gjitha garat ndërkombëtare të futbollit.
Sipas mediave izraelite, shumica e anëtarëve të UEFA-s janë të gatshëm ta mbështesin këtë vendim, i cili lidhet me akuzat për gjenocid në Gaza. Ky hap, nëse ndodh, do të ishte precedent i rrallë në futbollin modern dhe do ta izolonte futbollin izraelit nga skena evropiane.
Në anën tjetër, Federata e Futbollit të Izraelit po bën përpjekje të mëdha diplomatike për të shmangur votimin, pasi vlerësohet se nëse çështja kalon në votë – përjashtimi është pothuajse i sigurt.
Raportohet se presioni më i madh për këtë vendim vjen nga Katari, pas zhvillimeve të fundit politike dhe sulmit ndaj Dohas.
Vendimi final pritet të merret të martën dhe mund të shënojë një moment kthese për përfaqësuesen dhe klubet izraelite.
