Zëvendëskryeministri i parë i Maqedonisë së Veriut dhe një prej liderëve të koalicionit VLEN, Izet Mexhiti, ka komentuar kandidaturat e partisë Levica në komunat shqiptare, duke theksuar se ato nuk janë të rastësishme, por të lidhura ngushtë me bashkëpunimin që kjo parti ka pa me BDI-në në këto disa vite.
“Duhet pasur parasysh se disa vite, pra gjatë këtij mandati, koalicioni i BDI-së me Levicën dhe me Danellën ka funksionuar. Nuk mund të them suksesshëm, sepse është udhëheqësia më e keqe që e njeh historia e Shkupit, mirëpo si koalicion ata kanë funksionuar, kanë ndarë pushtet aty, i kanë ndarë drejtoritë. Pra Apasiev, Danella dhe Ahmeti kanë funksionuar deri tash. ” tha Mexhiti.
Ai shtoi se kandidimi i kandidatëve të Levicës në qytetet shqiptare nuk është i pavarur, por pjesë e një skenari të përbashkët me BDI-në.
“Kandidimi i kandidatëve të Levicës në qytetet shqiptare është në funksion dhe në interes në bashkëpunim me BDI-në.” theksoi Mexhiti.
